نبض كفرقاسم Nabd KQ من كفرقاسم… وإليها، بكل نبضة حب وانتماء.
رسالة وصلتنا ننشرها كما هي –
السلام عليكم مصطفى
بما انك انت صوتنا بالبلد بتمنى تنشر هالحكي
بنواجه احنا الجيران مشكله في منطقة الشعب بالشارع المؤدي ل איזור תעשייה פארק אפק
الموضوع انو الشارع صار مصف شاحنات وباصات ومصف للسيارات الخربانه والله لدرجة اكمن مره شفت اكمن واحد من اصحاب الشاحنات بعملو في صيانة لسيارتهن وهي واقفه غاد !! تقول كراج
بيجو بوقفو الشاحنات طوال اليوم واحنا الجيران حتى سيارة ما بنقدر نوقف
والاشي جدا جدا جدا خطر لابعد الحدود تخيل شاحنة وحدة تنزل بالخطأ عاحد الاشخاص هناك انو ديتحمل المسؤولية القانونية والاخلاقيه ؟!
المشكله اذا بدك تيجي تحكي مع واحد من اصحاب الشاحنات بصير بدو يقاتل فيك وكان الحق معه
بحيات مصطفى انشر عندك عل وعسى رجل رشيد يمنع الخطر وعدم احترام القانون اللي صاير
