شو الاحتمال ان الصاروخ يترك الدنيا وكل المساحات ومن بين كل الحارات يوقع بالزبط في حارتنا وبالقرب من بيتنا – الاستاذ زاهر عامر

سلام..
انا شغلي رياضيات.. يعني تفكيري دايما بمنطق الاحتمالات والاحصائيات..

سؤال؟؟
شو الاحتمال ان الصاروخ يترك الدنيا وكل المساحات .. ومن بين كل الحارات.. يوقع بالزبط في حارتنا.. وبالقرب من بيتنا.. بعد احدى الصفارات؟

الجواب..
صفر.. وصفر كبير كمان..

ولكن.. الحقيقة !!!
هذا “الصفر الملعون”.. من كم يوم عمل عنا مفاجآت.. وكسر كل القوانين الحسابات ..وتحول فجأة لمية في الميات (100%)..

والنتيجة..
وقع فوقنا.. ورعدت وبرقت الحارة من قوة الانفجارات.
ولطف من ربنا.. كنا جوا في قاع الملجأ و نجينا من رشقت الشظيات.. اللي “خزوقت” كلشي قدامها ومزقت حتى الحديدات..

باختصار..
ما بدها فلسفات..
الكبير قبل الصغير..
لما تسمع التحذيرات.. لا تفكر مرتين.. التزم مثل الشاطرين بكل التعليمات..

ودعواتي للجميع بالسلامة.. واحلى السلامات 🌹🍃