فاهمين موضوع الهدايا غلط بقلم الشيخ وليد فريج

فاهمين موضوع الهدايا غلط .
إنتبهوا مليح .
هاي أجت آخر السنة الدراسية .
شو بدك تجيب للمعلمة أو لمعلم هدية .
بعض الأهالي بحرجوا بعض ،وبعض الأمهات على الأغلب توخذها النخوة ،وبدها تجيب هدية ذات قيمة على رأيها .
موش كل ناس وضعها مثل بعض ،ليش الإحراج.
الهدية ما بتنطلب .
الهدية تهدى عن رغبة ومحبة ورضا.
طبعا للصراحة والحق لا اقصد حالة محددة وليس لي علم بحالات محددة،ولا اقصد مدرسة بعينها .
إذا طلبت الهدية ،بطلت تكون هدية ،وصار فيها إثم وحرم .
طيب ليش ما تكون الهدية ،رسالة مع كلمات محبة وتقدير ووفاء .
درع تقدير من كل الصف ،فليكن مع كل طالب يكتب كلمة بحق معلمه أو معلمته.
الله يبارك فيهم المعلمين والمعلمات على جهودهم وعطائهم ،وبحق بجهودهم نرى الأطباء والمهندسين والناجحين ،ورجال الأعمال ،ونرى أجيال وأجيال تتخرج ،مشكورين .
يعني لازم الهدايا تكون مكلفة .
هو كل الأولاد وأهلهم عندهم قدرة ،يقدموا هدايا للمعلمات والمعلمين .
الهدية بتكون عن محبة ورغبة ورضا ،وما بتكون بحرج .
حتى قلم حبر لو أخذته بحرج بكون حرام ،لازم يكون عن رغبة ومحبة .
حرام نحرج الناس .
حرام نحط الأطفال في مواقف محرجة ويشعروا بالنقص .
حرام يشعروا بفوارق إجتماعية وطبقية .
حرام يعيش بشعور الفقير المعدوم .
موش كل الناس عندها قدرة تقدم هدايا.
بلا منها الهدايا ،حتى ما نحرج الأطفال.
يمكن أطفال أيتام يكونوا أو أهلهم فقراء ،وما يقدروا يوفروا هدايا .