مشاركة عن نقوط العرس – الشيخ وليد فريج

خايف يطلع نقوط العرس بالآخر حرام.
كله مخاجله وحرج.
هو هدية ولا قرض ودين.
لساتكم تحكو عن نقوط العرس.
خلص خلوا العزومة للأغنياء يلي بنقطوا كثير.
حتى لو صارت الوجبة الف شيقل ،أنا مالي.
قرأت كثير مقالات عن بلدات في الأعراس،وخصوصا في بلدات في الشمال .
بحكو عن سعر الوجبات في الأعراس .
بحكو عن ضرورة رفع قيمة نقوط العرس ،علشان تتناسب مع سعر الوجبات .
قلت في نفسي وين العرس.
وينتى صار العرس بهيك واقع وهيك شكل.
يعني يمكن اذا نقوطك على قد حالك ،يقولوا من وراك كلام موش مرتب.
في كفر قاسم والحمد لله ،هذه العادة شبه معدومة ،تقريبا فش نقوط حسب معرفتي .
الوليمة لوجه الله.
لكن وصلت أنه يطالبوا برفع قيمة نقوط العرس علشان سعر الوجبة إرتفع،هذا والله لغط ما أنزل الله به من سلطان.
يعني لازم الناس تسرق وتنهب وتمشي طرق موش مشروعة ،علشان حضرتك تتباهى إنك عملت عرس ابنك في قاعة أبها والوجبة عندك سعرها خيالي .
الحمد لله على نعمة العيش في بلدي كفر قاسم .
بنروح على العرس ،ونوكل أكل مرتب ،وبنبارك للعروسين وبنفرح معهم وبنسحج اذا لزم ،وبنتحلى ما لذ وطاب،وبالآخر من غير نقوط.
أنا سمحت لنفسي أنتقد هاي الظاهرة ،وبكل قوة علشان.
زوجت أبنائي الأربعة ،وعملت أربع ولائم ولله الحمد والفضل ،بدون نقوط .
ومنذ ٤٠ عام أشارك كل من دعاني لعرسه ،وبدون نقوط ،والحياة ماشية وكويسة هيك.
منذ متى أصبح النقوط شرط لحضور العرس .
منذ متى صار النقوط مزاد للعلن .
وبقلك بالآخر شو اسباب العنف.
من بهرجتكم وفشخرتكم يلي مالها طعمة.