رسالة: منتزه ابو الحسنات في وضع يرثى له!

وصلتنا رسالة مهمة جدا

علعافية جمعة مباركة
يا ريت تمرق يوم علمنتزه الي عند المتناس جنب محل الشيف اياد الحسنات
الوضع كارثي ! زهقنا نضل نقول هاد الامور ما بتصير عند ولاد عمنا وما حدا بقبل فيها واشي من هلنوع بوصل لشكاوى ومخالفات للبلدية عند المجتمع اليهودي
الالعاب مكسورة مطبشة ، السقف ممزع ،الرواجيح مخلعة، الديشة موسخة
حتى الناس صارو يفكرو المنطقة هان مزبلة ويجيبو وسخهم يرموه في المنتزه
هاد كله من مسؤولية البلدية واي اشي بصير للاولاد اذا وقعو او انجرحو من القزاز والحديد المطبوش رح يكون على مسؤولية البلدية
طبعا في مسؤولية علناس نفسهم الي بطبشو وبخربو هيك اماكن
حيانة عهيك محل يروح علفاضي ويضل هيك وضعه !!!

على امل يكون في تصليح وتحسين للامور في البلد
احنا بنخاف عبلدنا وبدنا اياها تكون من احلى واجمل البلاد
بس لازم مراقبة وصيانة وصح !!!
اجا الوقت ينحط كمرات وكل حدا يخرب يتحاسب
اولادنا فش وين نوخدهم يلعبو
يعطيك العافية شكرا على مجهودك

المصدر: صفحة كفرقاسم على مدار الساعة