رسالة: مواطن بعتاش وبترزق على شاحنة يطالب البلدية بتوفير موقف باسرع وقت

رسالة وصلتنا من سائق شاحنة قسماوي – ننشرها كما هي –

السلام عليكم اخي مصطفى بدي ابعثلك رساله بتخص موضوع الشاحنات بتمنى انك تنشرها شكرا
السلام عليكم
انا مواطن من سكان كفر قاسم ابو يزيد بشتغل وبعتاش وبترزق على شاحنه كل يوم بخلص شغلي وبوقف شاحنتي باب الدار في المساء والصبح بطلع على شغلي بتفاجأ انو حاطين لي مخالفه 500 ₪ على سيارتي بدون سابق انذار او تحذير انو ممنوع اوقف هين مع انو انا واقف مش امزاوع على حدا ولا حاجب رؤيا احد ومش مأثر على الشارع طب شو نعمل يعني وين انروح في حالنا احنا اللي بنترزق على الشاحنات بقينا انوقف في مكان الشغل ييجو الحراميه يسرقونا صرنا انوقف في البلد صارو يحطولنا مخالفات يعني وين انروح انسكر بيوتنا عشان ترتاحو طيب مهو لازم البلديه اتوفرلنا مكان انوقف فيه بس للاسف البلديه مش اموفره هاذ المكان وين انروح في حالنا انسكر دورنا يعني .بتوجه لرئيس البلديه السيد هيثم طه ابو عبيده والمسؤولين عن هيك موضوع انهم يراعو ظروف الناس وخاصه انو الدنيا حرب وما في شغل كمان ييجو علينا في المخالفات نرجو توفير موقف للشاحنات وبعده بتحطو مخالفات للي مخالف وشكرا
ارحمو الناس شكرا