مناشدة من مواطنة : الشارع الي بيطلع من البلد شارع المنتزه

رسالة وصلتني من مواطنة قسماوية ننشرها كما هي –

السلام عليكم ورحمة الله وبركاته

اخ مصطفى انا اول مره بتواصل معك بتمنى تحكي عن هذا الموضوع بس بدون نشر تفاصيل عني

انا بعرف وواثقه انك المنبر الوحيد والفعال لكل البلد حبيت اطرح من خلالك موضوع

الشارع الي بيطلع من البلد شارع المنتزه

يعني البلديه قسمت الشارع وخصصو جهه للي بدو يرجع للبلد يدخل يمين والشمال بتضل للي بدو يطلع

ليش الناس تخرب على غيرها واتضل ماشيه باليمين لحد ما توصل للاخر بعدها اتزقزق وتدخل شمال مشان تطلع من البلد

اكيد مل واحد بيعرف حالو وين بدو يمشي من البدايه

لليش انخرب على بعض واناخر بعض ونعمل فوضى واعصاب عند باقي الناس

لليش ما انكون صبورين ونحترم القوانين

مش مشان انكون حضاريين واتيكات ولا مشان انقلد حدا

وانما مشان دينا قبل كل شي

احنا عرب ومسلمين ليش ما نحترم بعض ونستنى بالدور

بعرف انو ننشر هيك موضوع اكيد ما راح يغير طبع بعض ناس وانانيتهم بس بتمنى ان البلديه تلاقي حلول للشي

مثل يكون مخالفات من الشرطه لكل من يقوم بهيك عمل

او يحطو فاصل بالنص

بدي ابعثلك فيديو بسيط ولسا وقتها كان الشي اهون من كل مره سابقا كوني بمرق بشكل يومي من هذا الشارع متوجهه لليمين

القرار الك تنشر الفيديو ولا لا

انا بس حبيت اوثق كلامي مع ان كل البلد بتعرف انو هذا الي بصير

شكرا الك على كل شي بتعملو لمصحه البلد واهلها

بارك الله فيك وبجهودك